Çfarë janë Zonat e Mbrojtura?

Çfarë janë Zonat e Mbrojtura?

Zonat e Mbrojtura mund të kenë forma të ndryshme si, park kombëtar, zona të paprekura, zona të ruajtura nga komuniteti, rezervate natyrore dhe rezervate private natyrore. Sipas IUCN, “Një zonë e mbrojtur është një hapësirë gjeografike e mirë përcaktuar, e njohur, e dedikuar dhe e menaxhuar përmes mënyrave ligjore ose metodave të tjera efektive, që sigurojnë mbrojtjen afatgjatë të natyrës dhe shërbimeve mjedisore të ekosistemeve që lidhen me të, si dhe vlerave kulturore.”

Në fillim të shekullit të 20-të, në botë numëroheshin vetëm disa zona të mbrojtura, edhe pse shumë prej tyre kanë ekzistuar prej shumë gjeneratash. Me kalimin e kohës ato u vlerësuan si shtyllat kryesore të mbrojtjes së biodiversitetit duke kontribuar edhe në jetesën e njerëzve. Sot në botë numërohen afërsisht rreth 200,000 zona të mbrojtura, të cilat zënë rreth 14.6% të sipërfaqes tokësore dhe rreth 2.8% të sipërfaqes ujore.

Zonat e mbrojtura sigurojnë një gamë të gjerë përfitimesh sociale, mjedisore dhe ekonomike për njerëzit dhe komunitetet në mbarë botën. Ato janë një përqasje e provuar dhe e testuar, zbatuar prej shekujsh për ruajtjen e natyrës dhe burimeve kulturore që lidhen me të, prej komuniteteve lokale, popullsive indigjene, qeverive dhe organizatave të tjera.

Më shumë se instrumente për ruajtjen e natyrës, zonat e mbrojtura janë thelbësore për t’ju përgjigjur sfidave të sotme, që përfshijnë sigurimin e ushqimit dhe ujit, shëndetin e njeriut dhe mirëqenien, uljen e rrezikut nga fatkeqësitë natyrore dhe ndryshimet klimatike.

Për sa kohë bota zhvillohet me ritme të shpejta, presioni mbi ekosistemet dhe burimet natyrore rritet. Zonat e mbrojtura, nëse ato mirë qeverisen dhe mirë menaxhohen mund të jenë zgjidhja natyrale që ti bëjë ballë këtij presioni dhe të zënë vendin e tyre si një pjesë integrale e zhvillimit të qëndrueshëm.

Zonat e Mbrojtura ...

  • ... sigurojnë ujë të pijshëm për një të tretën e popullsisë të 100 qyteteve më të mëdha në botë;
  • ... ruajnë të njëjtën sasi karboni si pyjet tropikale;
  • ... na mbajnë të shëndetshëm  duke siguruar ajër dhe ujë të pastër , si dhe ilaçe të reja;
  • ... ndihmojnë në  reduktimin e rrezikut dhe pasojave të situatave ekstreme si përmbytjet, stuhitë, thatësira dhe rritja e nivelit të detit;
  • ... siguron ushqimin duke rritur peshkimin dhe mbrojtjen e llojeve të bimëve të egra; dhe
  • ... siguron strehim, punësim dhe jetesë për miliona njerëz në botë.

http://www.iucn.org/about/work/programmes/gpap_home/


Lajmet e fundit

01/05/2019

Llogara-Karaburun-Orikum-Mali Çika – Një model për rrjetin Natura 2000 në Shqipëri

Gjatë procesit të integrimit në Bashkimin Evropian, vendet që aspirojnë anëtarësimin si Shqipëria, duhet të bëjnë pjesë të legjislacionit të tyre kombëtar kërkesat e Direktivave të Zogjve dhe Habitateve, 2 direktivat themelore të Rrjetit Natura 2000. Ky proces ka nisur në Shqipëri nga projekti NaturAl përmes takimeve konsultative dhe worshopeve me...

Lexo më shumë


17/04/2019

Publikohet Atlasi - Lakuriqët e Natës të Shqipërisë

Me mbështetjen e projektit të finanuar nga BE-ja NaturAl dhe nën udhëheqjen e Philippe Théou, rejnxhërsat dhe ekspertët e Administratave Rajonale të Zonave të Mbrojtura monitoruan llojet e lakuriqëve që ekzistojnë në zonat e mbrojtura për vite me radhë, për ti njohur më mirë dhe për të menaxhuar më mirë habitatet e tyre. Atlasi i ri i publikuar:...

Lexo më shumë


17/04/2019

DREJT RREJTIT NATURA 2000 NE SHQIPËRI

Natura 2000 është dokumenti themelor i politikave të BE-së për natyrën – rrjeti më i madh i zonave të mbrojtura në botë. Në Shqipëri rrejti kombëtar i zonave të mbrojtura mbulon 18% të sipërfaqes së territorit. Edhe pse në një rritje të qëndrueshme, sistemi Shqiptar i zonave të mbrojtura përballet me sfida të shumta dhe...

Lexo më shumë


NaturAL

IPA 2013 - Natura 2000 dhe Zonat e Mbojtura
Torre Drin, Kati i 5-të
Tiranë, Shqipëri
Tel: +35542240880/1/2/3
info@natura.al