Objektivat

Projekti NaturAL ka si qëllim të ndalojë dëmtimin e biodiversitetit në Shqipëri nëpërmjet përmirësimit të menaxhimit të zonave të mbrojtura dhe krijimit të kushteve për zbatimin në të ardhmen të Rrjetit Evropian Natura 2000.  Zonat e mbrojtura janë baza e konservimit të natyrës dhe shpeshherë mënyra më e qëndrueshme për të mbrojtur larminë e ekosistemeve. Shqipëria ka bërë progres të konsiderueshëm në zgjerimin e rrjetit të zonave të mbrojtura nga 5.2% të territorit të vendit në 2005, në 16% të territorit në 2014. Pavarësisht këtij progresi të ndjeshëm, investimet në zonat e mbrojtura, në veçanti në infrastrukturë, pajisje dhe kapacitete teknike të stafit të zonave të mbrojtura, kanë qenë të pamjaftueshme.

Emërtimi i plotë i projektit është: Forcimi i kapaciteteve kombëtare për ruajtjen e natyrës – përgatitja për rrjetin Natura 2000, dhe do të:

  • Zbatojë planet e menaxhimit në të paktën 5 zona të mbrojtura dhe,
  • Përgatisë një listë paraprake të zonave NATURA 2000

Në mënyrë që të arrijë këto rezultate në nivel kombëtar, projekti NaturAL mbështetet në bashkëpunimin e ngushtë mes autoriteteve shqiptare dhe krijimit të sinergjisë mes ndërhyrjeve të Agjencisë Italiane për Bashkëpunim dhe Zhvillim (IDC) si edhe me organizatat dhe institucionet e tjera që punojnë në fushën e mjedisit në vend. Lista paraprake e zonave NATURA 2000 do të hartohet për tu paraqitur në të ardhmen nga autoritetet shqiptare në Komisionin Evropian, duke kontribuar në këtë mënyrë në përafrimin e kuadrit rregullator të vendit me acquis të BE-së për mjedisin.

Aktivitetet e parashikuara fokusohen në zhvillimin dhe zbatimin e një programi gjithëpërfshirës për forcimin e kapaciteteve të stafit të zonave të mbrojtura dhe përmbushjen e veprimeve konkrete në infrastrukturë, pajisje, mbrojtjen e habitateve dhe llojeve kryesore si dhe monitorimin e biodiversitetit. Menaxherët e zonave të mbrojtura do të trajnohen dhe do të asistohen edhe në zhvillimin e projekt-propozimeve për të marrë financime në të ardhmen nga programet e BE-së.

Projekti NaturAL synon të informojë, të komunikojë dhe të edukojë të rinjtë, vizitorët e zonave të mbrojtura, komunitetin vendor, menaxherët e burimeve natyrore dhe të gjithë të interesuarit për mbrojtjen e natyrës në Shqipëri dhe rëndësinë e zonave të mbrojtura.  Roli kryesor është të ndërgjegjësojë dhe të frymëzojë publikun për tu përfshirë në mbrojtjen e natyrës.

Vëmendja është përqendruar në 5 zona të mbrojtura:

  • Rezerva Natyrore e Menaxhuar Liqeni i Shkodrës;
  • Rezerva Natyrore e Menaxhuar Korab-Koritnik;
  • Parku Kombëtar Divjakë-Karavasta;
  • Parku Kombëtar Mali i Tomorit;
  • Parku Kombëtar Bredhi i Hotovës-Dangëlli.

Gjithashtu, ndërhyrje më të kufizuara do të realizohen edhe në:

  • Peizazhin e Mbrojtur Lumi Buna-Velipojë;
  • Parkun Kombëtar Mali i Dajtit;
  • Parkun Kombëtar Shebenik-Jabllanica;
  • Peizazhin e Mbrojtur Vjosa – Narta; dhe
  • Parkun Kombëtar Llogora.

Shkarko: Informacion_mbi_projektin_AL.pdf

Lajmet e fundit

25/01/2019

Promovojmë bashkëjetesën e banorëve me natyrën dhe zhvillimin e turizmit me mbrojtjen e natyrëës

Qendra e rinovuar e vizitorëve në Parkun Kombëtar të Llogarasë hap dyert sot për të mikpritur turistët dhe të apasionuarit pas natyrës. Investimi i Bashkimit Evropian në Shqipëri përmes projektit NaturAL “Forcimi i Kapaciteteve kombëtare në mbrojtjen e natyrës - përgatitja për rrjetin Natura 2000” e ka transformuar Qendrën e Vizitorëve në...

Lexo më shumë


16/01/2019

#AlbanianWetlands Konkurs fotografie

Ky konkurs organizohet përmes faqes së projektit NaturAL në Facebook (@NaturaAlbania) nga data 16 deri 27 janar 2019. Bëhuni pjesë e këtij konkursi dhe postoni një foto nga Shqipëria në Facebook një prej kategorive: 1. Shpendët e ujit, 2. Ligatinat, 3. Rreziqet që kërcënojnë ligatinat. Bëjini tag #AlbanianWetlands, #KeepWetlands dhe #IWP019 dhe @NaturaAlbania të...

Lexo më shumë


10/01/2019

Identifikojmë zonat pjesë e rrjetit Natura 2000

Ekipet e shkencëtarëve dhe ekspertëve kanë nisur punën për identifikimin e zonave Natura 2000 në Shqipëri, duke aplikuar metodat ekologjike me pjesëmarrje. Qasja dhe rezultatet u prezantuan mes aktorëve kryesorë gjatë verës së vitit 2018 në Parkun Kombëtar të Llogarasë, në serinë e parë të workshopeve të realizuara.   Zonat pjesë e rrjetit...

Lexo më shumë


NaturAL

IPA 2013 - Natura 2000 dhe Zonat e Mbojtura
Torre Drin, Kati i 5-të
Tiranë, Shqipëri
Tel: +35542240880/1/2/3
info@natura.al