Lajme dhe Lajmerim

04/08/2016
Mbro natyrën, vepro si një Ranger

Për herë të parë në Shqipëri festohet Dita e Ndërkombëtare e Rangers-ve nën moton “Mbro natyrën, vepro si një Ranger”. Vitin e kaluar u krijua Agjencia Kombëtare e Zonave të Mbrojtura, institucioni i vetëm përgjegjës për zonat e mbrojtura, duke ngritur strukturat e nevojshme dhe stafin në çdo rajon për të përmbushur detyrat e rangers-ve. 

Kjo ditë festohet në mbarë botën çdo 31 korrik, në përkujtim të shumë Rojeve mjedisore të vrarë ose të plagosur në krye të detyrës, për punën që ata bëjnë në ngritjen e vetëdijes në mbrojtje të trashëgimisë natyrore dhe kulturore. Kjo ditë është një rast unik për të mbështetur punën jetike të Rangers-ve. Disa prej tyre janë të ekspozuar ndaj kushteve të rrezikshme mjedisore të tilla si përmbytjet apo ndaj kafshëve të egra, të tjerët rrezikojnë jetën e tyre duke u përballur me personat që zhvillojnë aktivitete të paligjshme, si prerja e drurëve, peshkimi apo gjuetia e paligjshme.

Me këtë rast Ministria e Mjedisit, AKZM, Agjencia Kombëtare e Zonave të Mbrojtura, 12 Administratat Rajonale të Zonave të Mbrojtura, AdZM të mbështura nga BE, Agjencia Iialiane për Bashkëpunim përmes projektit NaturAL zhvilluan njëkohësisht në 12 rajonet e tyre një fushatë ndërgjegjësimi mbi rëndësinë e Rangers-ve. Pranë plazheve apo qendrave të qytetit u ngrit një stendë nga ku drejtues, punonjës dhe Rangers-at pranë AdZM-ve  shpërndanë mesazhe për rritjen e ndërgjegjësimit për punën e tyre dhe për promovimin e zonave të mbrojtura  në vend.

“Rangers-at mbrojnë natyrën tonë dhe për këtë arsye mbrojnë të ardhmen tonë. Puna e Rangers-ve, puna që ata bëjnë çdo ditë në ruajtjen e zonave të mbrojtura  duhet vlerësuar pasi ndikon në cilësinë e jetës sonë të përditshme”, tha për mediat Zv.Ministri i Mjedisit Kledi Xhaxhiu, pranë stendës së vendosur në shëtitoren e qytetit të Durrësit. Ndërkohë Drejtori i AKZM-së, Zamir Dedej nga stenda e vendosur në shëtitoren e Orikumit tha: “Festimi i Ditës Ndërkombëtare të Rangers-ve në 12 AdZM-të dëshmon për rëndësinë e ruajtjes së zonave të mbrojtura në vendin tonë. Rangers-at tanë luajnë një rol kryesor në mbrojtjen e zonave të mbrojtura”.

Komunitetet vendore mësuan rreth rëndësisë që kanë zonat e mbrojtura për jetën e tyre: Zonat e mbrojtura na sigurojnë ujin, ushqimin, medikamentet dhe ajrin e pastër, ndihmojnë në zvogëlimin e pasojave të përmbytjeve dhe stuhive, ndërsa sigurojnë strehim dhe punësim për vendasit. Rangers-at patrullojnë në zonat e mbrojtura, duke garantuar mbrojtjen nga aktivitetet e paligjshme.

“Nëse ndeshim gjueti apo prerje drurësh në mënyrë të paligjshme, është detyrë jonë të informojmë drejtuesit, Instektoriatin e mjedisit apo atë pyjor dhe policinë. Në rast zjarri në pyje ne marim të gjitha masat e nevojshme për shuarjen e tij. Një ranger është në vijën e parë dhe bën vlerësimin e riskut. Ne gjithashtu monitorojmë kafshët e egra, mbajmë kontakte me komunitetin, me nxënësit e shkollave dhe përpiqemi ti edukojmë, ti afrojmë me parkun dhe natyrën. Një ranger shpesh herë shoqëron dhe turistët kur duan të shohin vendet e veçanta që ka një Zonë e Mbrojtur”, shpjegon Gëzim Tarja, një prej Rangers-ave të AdZM-së, Tiranë.


Lajmet e fundit

01/05/2019

Llogara-Karaburun-Orikum-Mali Çika – Një model për rrjetin Natura 2000 në Shqipëri

Gjatë procesit të integrimit në Bashkimin Evropian, vendet që aspirojnë anëtarësimin si Shqipëria, duhet të bëjnë pjesë të legjislacionit të tyre kombëtar kërkesat e Direktivave të Zogjve dhe Habitateve, 2 direktivat themelore të Rrjetit Natura 2000. Ky proces ka nisur në Shqipëri nga projekti NaturAl përmes takimeve konsultative dhe worshopeve me...

Lexo më shumë


17/04/2019

Publikohet Atlasi - Lakuriqët e Natës të Shqipërisë

Me mbështetjen e projektit të finanuar nga BE-ja NaturAl dhe nën udhëheqjen e Philippe Théou, rejnxhërsat dhe ekspertët e Administratave Rajonale të Zonave të Mbrojtura monitoruan llojet e lakuriqëve që ekzistojnë në zonat e mbrojtura për vite me radhë, për ti njohur më mirë dhe për të menaxhuar më mirë habitatet e tyre. Atlasi i ri i publikuar:...

Lexo më shumë


17/04/2019

DREJT RREJTIT NATURA 2000 NE SHQIPËRI

Natura 2000 është dokumenti themelor i politikave të BE-së për natyrën – rrjeti më i madh i zonave të mbrojtura në botë. Në Shqipëri rrejti kombëtar i zonave të mbrojtura mbulon 18% të sipërfaqes së territorit. Edhe pse në një rritje të qëndrueshme, sistemi Shqiptar i zonave të mbrojtura përballet me sfida të shumta dhe...

Lexo më shumë


25/03/2019

Qendra e Vizitorëve në Malin e Dajtit – një tjetër gurthemeli për Zonat e Mbrojtura të Shqipërisë

Një qendër e re vizitorësh mikpret turistët në “Ballkonin Natyror të Tiranës”, një nga destinacionet më të preferuara për këdo që viziton Tiranën, kryeqytetin e Shqipërisë. “Ruajtja e burimeve natyrore dhe rritja e ndërgjegjësimit mbi biodiversitetin e Shqipërisë është thelbësore për zhvillimin e një modeli dhe kulture...

Lexo më shumë


25/01/2019

Promovojmë bashkëjetesën e banorëve me natyrën dhe zhvillimin e turizmit me mbrojtjen e natyrëës

Qendra e rinovuar e vizitorëve në Parkun Kombëtar të Llogarasë hap dyert sot për të mikpritur turistët dhe të apasionuarit pas natyrës. Investimi i Bashkimit Evropian në Shqipëri përmes projektit NaturAL “Forcimi i Kapaciteteve kombëtare në mbrojtjen e natyrës - përgatitja për rrjetin Natura 2000” e ka transformuar Qendrën e Vizitorëve në...

Lexo më shumë


16/01/2019

#AlbanianWetlands Konkurs fotografie

Ky konkurs organizohet përmes faqes së projektit NaturAL në Facebook (@NaturaAlbania) nga data 16 deri 27 janar 2019. Bëhuni pjesë e këtij konkursi dhe postoni një foto nga Shqipëria në Facebook një prej kategorive: 1. Shpendët e ujit, 2. Ligatinat, 3. Rreziqet që kërcënojnë ligatinat. Bëjini tag #AlbanianWetlands, #KeepWetlands dhe #IWP019 dhe @NaturaAlbania të...

Lexo më shumë


NaturAL

IPA 2013 - Natura 2000 dhe Zonat e Mbojtura
Torre Drin, Kati i 5-të
Tiranë, Shqipëri
Tel: +35542240880/1/2/3
info@natura.al